Saher Kya Hai

Saher say murad wo amoor-e-mukhfi hein jo nazar na atay hon laikin hakikat mein apna aap manwatay hon; jinka sabab posheeda ho or asal hakeekat kay khilaaf insani akal o samajh mein anay lagay

Seher ya Jadu aik khatar nak aur paryshan kun hakekat ka dosra naam hai. is ilam main taseer haroof, adad aur alfaz ke waja se hai. Chand hamari dunya ke nizaam ka hukmaran hai. Chand ke 28 manzilain hain ise tarha Quran Pak 28 Haruf per mushtamil hai aur in haruf ke pechay Sifli aur Alwi mokalat kam karty hain.

Alwi mokalat se amel nayki aur bhalai ke kam laitay hain jab ke jaduger sifli mokalat se na-jaiz aur burai ke kam laitay hain. Jadu hazaroon meel door se be operate kia ja sakta hai kioun ke mokal, jinn aur sifil arwah waqat aur jaga ke qaid se azad hain. Jadu aur sifli amliyat se kisi be insan ko la-ilaj bemarion main mubtila ker ke moot ke moun main dhakail diya jata hai. Dore-Jadeed main log asani se jadu ke asrat ke qayel nahi hoty. Jadu ke asrat boht tezi se asar dikhatay hain.

For Exmaple: Hafta ke roz zawal mah kamri main soraj nikalny ke bad ju Marekh ke pehli sa-at ay us main kisi janwar ya murghi ko pakar ker ye lafaz ( FAKUSU ) kagaz per likh ker pani main hal ker ke pila dain. teen dino main wo janwar bemar ho ker mernay ke kareeb ho jay ga.

pir is janwar ko zibah ker ke is ka khoon ikatha kar lain aur marekh ya zuhal ke sa-at main yahi alfaz us janwar ke khoon se likh ker kisi sahatmand insan ko pila dain. kuch hi dino main wo insan khtarnak kisum ke bemarion main mubtila ho ker merny ke kareeb ho jay ga aur koi be ilaj karger sabit nahi ho ga jab tak koi noori ilam ka amel is jadu ka tor na kary wo insan sehtyab nahi ho ga. Kaly jadu main aise amliat apny dushman ko khtum krnay ke liy karway jaty hain.

Kher ka ilm norani or shar ka ilm sifli, or sahri ho ga, is tarah kher kay ilm ka malik naik or shar kay ilm ka haamil shaitaan or jaadugar ho ga. Ilm e nafiya say muraad Quraan hay or is mein norri ilm ki sarchashma zaat e bari taaa hay jabkah ilm e muzir say murad jaado o saher hay. Is ka mukhzun o mamba shaitaan hay. In dono uloom ko jis fitrat mein yakja kia gaya, wo insani fitrat hay. Ilm e nafiya ka raasta isay kamyabi ki taraf lay jaata hay or ilm e muzir ki raahein isay halaakat o zalaalat mein dhakail deti hein.

Jadu aisa fun hay keh jisko insane apni tamam nasooda khuwahshiyat ki takmeel kay liye tamam jaiz or najaiz zaraye istemal mein laye. Khuwah ye zaraye mansha e khuda wandi ke tabiyah hon ya is kay ain mukhalif shaitan iblees ke tabiyah hon. Saher aik aisi hakeekat hay jis ke andar bepanah muzir asrat mojod hein. Is ki wajah shaid munsha e Elahi say munsalik hein jis nay apni kudrat-kamila or muslehat e khaas say is ko in muzir asraat say nawaza hay. Jis tarah adwiyaat kay andar muzir asrat mojood hein. Jaado kay asraat intehai tezi say asar andaaz hotay hein. 

Saher or jaadu kisi bhi haal main neki kay liye nahi kia jata na neki kay liye hota hay. Ye shar ki pedawaar hay or iska maksad sirf makhlooq ko tang kar kay, izayat day kay apni nafsaani khuwahshat ki takmeel karwana hota hay or insane iskay asraat say maftooh ho ker sahraana raahon per chal parta hay. Ilm e norani kay tahat Quran, darood shareef, wazaif, isma-e-hasana or doosray amliyat kher atay hein. Jaado ke tahat jantar mantar, shetani chillay, amliyat e bad, ultay sidhay huroof kay mujmay atay hein. Inka wird kufr o shirk ka hamil hota hay.

Saher Aur Jadu Ke Tarkeeb

Saher o jaadu ki ibtida haroot or maroot say hui. Ye do farishtay asman say babul ki zameen per utray, or logon ko jaadu sikhanay lagay. Zamana e akhir mein dajjaal jadooi kamalaat dikha ker or apnay sahraana karnamo say makhlooq e khuda ko gumrah karay ga. Kamzor eman walay is kay shar say mahfooz nahi rah sakein gay magar mazboot or paky emaan aur akeeday wale musalmaan is k sahraana kamalat daykh ker bhi mutasir nahi hongay.

Zamana e kadeem mein kuldaniyo, saraniyo or qubtiyo ko doosri aqwaam ki nisbat ilm e saher per bohat aboor tha. In kay baad say yunaaniyon, misriyon, parsiyon, arbon or degar aqwam nay istafada hasil kia. Bahawala e Quraan e Pak is baat ka pata chalta hay k zaman e kadeem mein ilm saher kaafi urooj per tha. Baray baray saahir jagah jagah per mojood thay jo apni fankarana salahiyton ka baypanah muzahira kar kay logon ko mabhoot kar daltay thay. Jaisa kah Quran Pak mein Hazrat Moosa (RA) ka mukabla sehr-e-darbar firoon say waziayh hota hay. Ahed e qadeem say he do tareekon per seher kia jata tha. Awwal tareeka e kuldaniyon or doosra tareeka ahl e babul ka tha.

Kuldaani apnay tarteeqay mein behad mahir thay, or in ka jadu o saher ka tor bahad mushkil hota tha. Inhu nay namrood ki badshahat or khudai kaim rakhnay kay liye 6 bahtreen talism e sahar tiyar kar kay babul mein mahfooz rakhay thay. In 6 talismon ki mukhtasir tafseel hasb zail hay;

  Tanbay ki sunahri batt jo babul mein dakhil honay walay kisi bhi chor or jasoos kay dakhil hotay he khud bakhud bolna shuroh ho jati thi, istarah iski nishanidhe ba asani ho jati thi, or usy ba asani giraftar kar liya jata tha.

  Ajeb o gareeb naqara jo kisi kay gumshuda ya chori shudah maal ki forun nishan dahi kar deta tha.

  Ajeb o gareb hoz jis mein bawakt jashan her aik apna man pasand mashroob dal deta tha or doran  e jashan jab pyas mahsoos hoti to wo us hoz say apna man pasand mashroob hasil kar kay pee leta tha. Tamam mashroob hoz mein apus mein mix na ho patay thay.

  Ajeb o gareb aiena e saamri jo gaib ka haal bata kay forun gaib ho jata tha.

  Ajeb o gareeb talaab jo mukhtalif masail ka hal batata tha. Is kay ilawa do daway daaron kay darmiyan tanaza ka faisla istrah karta tha kay jhoota dawaydaar gark ho jata tha jabkah haqdaar ki naaf tak hi pani ata tha.

  Namrood k mahal ke darwazay per lagaya hoa ajeb o gareeb darakht, jiska saaya mahal mein anay walay insanon ki tadad kay mutabik ghatta bharta rahta tha.

Jaado karna ya seekhna shirk hay, is kay maani ghair allah say madad talab karnay kay hein is liye aisay buray ilm sikhnay ki islam mein gunjaish nahi hay. Ilm e nafiya yani Quran Pak mustakil asraat ka hamil hay. Iska rasta Insan ko Allah or Uskay Rasool (SAW) kay kareeb karta hay jabkeh ilm e muzir yani ilm e shaitani ya jaadu saher fitna nazar dhoka aarzi faiday or mustakil pachtaway kay nataijy ka hamil hay. Mojza sirf Allah kay hukam say waqoo pazeer hota hay or sifli ilm ya jaadu kay kamalaat aik shetaani zehen o fail kay tahat namoodaar hotay hein. Mojzay or jaado mein yehi fark hay.

Hazart Mosa (AS) jab koh e toor per Allah say torat kay ahkamat hasil karne kay liye tashreef le gaye to apnay bhai Hazrat Haroon (AS) ko apni kom bani Israel ka sardar bana gaye. Inki adam mojoodgi mein saamri naam kay aik jaadogar nay bani Israel ko bahkaaya or kaha kah ab Hazrat Mosa (AS) to shaid wapes na aein to ager tum kaho to mein tumhari khatir aisa bachra bana sakta hun jis say tumharay mabood ki awaz aye gi. Kom pahlay hi kher tamashon or nafarmani ki aadi thi, forun amada ho gai. To Hazrat Haroon (AS) nay inko samjhanay ki koshish ki to wo inhein katal per bhi amaada ho gai jis per wo majboorun khamosh ho gaye. 

Saamri jaadogar nay bani Israel say tamam sona chandi ikhatta kia or bighla ker aik bachra banaya jis mein us nay wo mitti daal di jis per Hazrar Jibrael (AS) k kadam paray thay. AIk makhsoos amal kay baad hab wo bachray ko mukhatib karta to us mein say bakaida aik awaz nikalti thi. Bani Israel ne Allah ko chora or bachray ki pooja shuro kar dee. Harzat Mosa (AS) jab lotay to kom ki halat dekh ker bhai per baras paray ke wo unko gumrahi say kiun na rok sakay. Hazrat Haroon (AS) nay sara majra bataya or phir gumrah karda afraad ko katal kar dia gaya. Samri pagal ho ker mara or iska jaadu ibrat naak anjam say dochaar hua.